ஐபிஎல் 15வது சீசனின் 22வது லீக் ஆட்டத்தில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூர் அணிகள் மோதின. டாஸ் வென்ற ஆர்சிபி அணி முதலில் பந்துவீச்சை தேர்வு செய்தது. சிஎஸ்கே இன்னிங்ஸ்: சென்னை சூப்பர் கிங்ஸ் அணிக்காக ராபின் உத்தப்பா 88 (50), சிவம் துபே 96 (46) இருவரும் சிறப்பாக விளையாடினர். ருத்ராஜ் தனது பங்கிற்கு 17 (16) சேர்த்தார். இதனால் சிஎஸ்கே 20 ஓவர்கள் முடிவில் 216/4 சேர்த்தது. ஆர்சிபி இன்னிங்ஸ்: இலக்கை விரட்டிய ஆர்சிபி அணியில் யாரும் பெரிய ஸ்கோரை எட்டவில்லை. ஷாபாஸ் அகமது 41 (27), பிரபுதேசாய் 34 (18), தினேஷ் கார்த்திக் 34 (14) ஆகியோர் மட்டும் ஓரளவு ரன் சேர்த்தனர். இறுதியில் RCB அணி 20 ஓவரில் 193/9 சேர்த்து 23 ரன்கள் வித்தியாசத்தில் தோல்வியடைந்தது. ஜடேஜா போட்டி: கேப்டனாக ரவீந்திர ஜடேஜாவுக்கு இது முதல் வெற்றி. முதல் நான்கு போட்டிகளில் தோல்வியடைந்து 5வது போட்டியில் வெற்றி பெற்றது குறித்து பேசிய அவர், “கேப்டனாக இது எனது முதல் வெற்றி. இதை எனது மனைவி மற்றும் குழுவினருக்கு அர்ப்பணிக்கிறேன். முதல் நான்கு போட்டிகளிலும் நாங்கள் வெற்றியை நெருங்கவில்லை. பேட்டிங்கில் அனைவரும் சிறப்பாக செயல்பட்டனர். உத்தப்பா, துபாயின் ஆட்டம் அபாரமாக இருந்தது. பந்து வீச்சாளர்களும் சிறப்பாக செயல்பட்டனர். ” பயப்படவில்லை: அவர் மேலும் கூறுகையில், “தொடர் தோல்விகள் ஏற்பட்டாலும் நிர்வாகம் என் மீது அழுத்தம் கொடுக்கவில்லை. தொடர்ந்து ஆதரவாகப் பேசினர். மூத்த வீரர்களின் ஆலோசனையை தொடர்ந்து கேட்டு வருகிறேன். மகேந்திர சிங் தோனி இருக்கிறார். நான் எப்போதும் அவருடன் ஆலோசனை நடத்தியிருக்கிறேன். அணியில் அனுபவம் வாய்ந்த வீரர்கள் பலர் உள்ளனர். 4 தோல்விகளைக் கண்டு நாங்கள் பயப்படுவதில்லை. மனதளவில் அமைதியாக இருந்தோம். நாங்கள் எங்கள் பாணியில் திரும்பியுள்ளோம். இந்த வெற்றிப் பயணத்தைத் தொடர்வோம். சென்னை சூப்பர் கிங்ஸ் அணி தனது அடுத்த லீக் ஆட்டத்தில் குஜராத் டைட்டன்ஸ் அணியை எதிர்கொள்கிறது. எதிர்வரும் ஞாயிற்றுக்கிழமை இரவு போட்டி இடம்பெறவுள்ளமை குறிப்பிடத்தக்கது.